NICO ANTONIO, KUHA MULA SA PELIKULANG POSAS, GUMANAP BILANG BAKLA SA INDIE FILM NA ECHORSIS

Indie film actor Nico Antonio, lumutang ang galing sa pelikulang Echorsis

 

Dahil patungkol sa pelikulang Echorsis at sa mga artista nito ang ating paguusapan, minarapat at dapat lamang na sa wikang Tagalog ko na lamang isinulat ang artikulong ito para mas malawak kong maihatid ito sa mga mambabasang Filipino.

ECHORSIS PRODUCER CHRIS CAHILIG AND ACTOR ALEX MEDINA
ECHORSIS PRODUCER CHRIS CAHILIG AND ACTOR ALEX MEDINA

Isang napakagandang pelikula ang Echorsis at katunayan ay kasalukuyang itong humahataw sa takilya sa kabila ng ito ay isang indie film na karaniwan ay hindi pa masyadong nabibigyan pansin ng manonood at ng mga naglalakihang sinehan.

Ang Echorsis ay isang horror-comedy na ang tema ay tumatalakay sa isyu ng pagiging bakla at sa mga karaniwang nagaganap sa buhay ng isang closeted gay.

Bukod sa istorya, humanga ako sa mga aktor na nagsiganap na nagbigay ng mahusay na pag-atake sa kanilang mga karakter sa pelikula. Mahusay na naipakita ni Alex Medina ang role ng isang ‘nambabakla’ at nagkaroon din ng pagkakataon ang aktor na maipakita ang galing nito sa pag arte bilang isang bakla sa tuwing masasapian ito ng naghihiganting si Kristoff na ginampanan naman ng mahusay na komedyanteng si John ‘Sweet’ Lapus. Magaling din ang pagkakaganap ni Kean Cipriano bilang si Father Nick na naaatasang magligtas kay Carlo (Alex) sa pamamagitan ng exorcism. Naipakita rin ni Kean ang husay nya sa pag-ganap bilang isang paring may itinatagong lihim.

Ang mga supporting actors and actresses katulad nila Odette Khan, Chokoleit, Kiray Celis, Mich Liggayu, Ruby Ruiz, Negi Negra, Bekimon, Francine Garcia, at 1:43’s Yuki Sakamoto, Anjo Resurreccion, Gold Aquino, at Yheen Valero. ay nagbigay pa ng dagdag kulay sa istorya at pelikula.

Nagningning din ang mga panandaliang eksena ni Alessandra de Rossi na gumanap bilang isang albularyo na riot din sa katatawanan ang bawat paglabas nito sa pelikula.

Ang isa pang pumukaw ng aking atensyon ay ang pag-ganap ng isang aktor na sa husay nito ay inalala kong mabuti kung saan ko sya huling napanood habang nasa loob ako ng sinehan. Si Nico Antonio ay gumanap bilang isa sa tatlong kaibigan ni Kristoff at lumabas sa halos kabuuan ng pelikula.

NICO ANTONIO (LEFT) PLAYS THE ROLE OF ONE OF KRISTOFF'S (JOHN LAPUS) GAY FRIENDS IN THE MOVIE ECHORSIS
NICO ANTONIO (LEFT) PLAYS THE ROLE OF ONE OF KRISTOFF’S (JOHN LAPUS) GAY FRIENDS IN THE MOVIE ECHORSIS

Niresearch ko ang pangalang Nico Antonio at nalaman ko na siya pala yung napanood ko sa isang serye ng nakakaaliw na komersyal ng Mang Inasal, yung Cansado de Merienda serye. Si Nico rin pala yung gumanap na Andres Bonifacio sa pelikulang Heneral Luna at iyung kapartner ni JM de Guzman sa pelikulang Tandem.

Sabe na nga ba at hindi ako nagkamali na mahusay na aktor itong si Nico.

Bilang Tolayts, isa pala si Nico sa nagbibigay ng aliw sa mga sumusubaybay ng OTWOL sa ABS-CBN bilang manliligaw ni Bianca Manalo.

Maituturing na underrated na aktor itong si Nico. Aminadong hindi pang matinee idol ang kanyang porma ngunit pwede namang pang lead ang kanyang galing sa pag arte. Napatunayan na nya eto sa pelikulang Posas.

Halos sa mga indie film na gumanap ng sari-saring karakter itong si Nico, na kasapi rin ng Teatro Ateneo, at sa husay nito ay mukhang magtatagal pa at lalo syang makikilala ng masang tumatangkilik ng pelikulang Pinoy.

Ang kanyang pagganap bilang isang bakla sa Echorsis ay maihahalintulad sa galing ng namayapang Dolphy at nila Vic Sotto at Joey de Leon.

Isang mabigat na break pa at naniniwala ako na isa si Nico sa mga aabangan artista ng lokal na pelikula ngayon taon.

Kaya habang nasa sinehan pa ang pelikulang Echorsis, manood at suportahan ito upang lalo pang yumabong ang industriya ng lokal na pelikula sa ating bansa, partikular ang mga indie films.

Ang Echorsis ay mula sa produksyon ng Insight 360, distributed by Unitel Productions Inc., mula sa panulat ni Jerry Gracio, at sa direksyon ni Lem Lorca.

*photos ccto

Book & Buy

Viewed 119674 times by 6915 viewers

Let's Talk!